السلام عليكم ورحمة الله وبركاته
هذه نصايح تكتب بماء الذهب للشاعر الهرم رشيد الزلامي
عسى تحوز على رضاكم جميييع
تفكـرت فالدنيـا وتابعـت ماجـرا=وانا مومن بالقـدر شـره وخيراتـه
ولي تجربه دامـت سنيـن مطولـه=تعلمت مع صولات وقتـي وجولاتـه
وانا ما أدّعي بالعرف عن كل عارفه=إلي نظرتي والناس كلـن بنظراتـه
أنا اللي تحدانـي زمانـي وحدنـي=وخلاني أعرف كيف ألاقي صعوباتـه
وانا في رجا وعده لعبده ليـا صبـر=وانا في رجا عطفه ولطفه ونفحاتـه
وهو رازق الداب العمى ساكن الخـلا=صخر له طيور الجو لين إنها جاتـه
وصبرن على الشدات وصابه النبـي=محمد سـلام الله عليـه وصلواتـه
وعزيزين الأنفس صبرهم راس مالهم=لو الزمـن كثـر عليهـم بميلاتـه
يحاول عزيز النفس يخفي ضرورتـه=عن الناس لايفرح عـدوه وشماتـه
يعينه حيا وجهه على حفظ سمعتـه=فقيـرن غنيـاً مايعلـم بحاجـاتـه
وهذا دليل الرجـل يثبـت رجولتـه=لكـم ظاهـرن والله يعلـم خفياتـه
يدلك على الرجال هرجه ليـا هـرج=وتدلك علـى نيـات قلبـه حركاتـه
وكثيره شروط الرجل وليـا توفـرت=ترا الرجل يثبت كلمت الرجل في ذاته
ليا إهتم فـي دينـه وبـرن بوالـده=وقصد بالعمل غفران ربه ومرضاتـه
وتمثل لحق الضيف والجار والخوي=حليمن على الجاهل دموحن لزلاتـه
هـذا بشـره بالخيـر والله يبشـره=وغيره قصير الشوف من يم جاراتـه
عطيتك عن أهل الخير كلمات موجزه=وبعطيك علم عن المنافق وأشاراتـه
فجورن ليا خاصم وخاين إليا أوتمن=كذوبن ليا سولـف يبالـغ بكلماتـه
ولا يلتزم بالعهـد والوعـد يخلفـه=هذا اللي يقولونه وهـذي علاماتـه
طريقين معروفيـن لطيـب والـردا=وكلن يحصد اللي زرع عند حزاتـه
إذا إنه عمل خير فربحـت تجارتـه=وإذا إنه مضاهي ماله ألا مضاهاتـه
فقل للمضاهي بالعمل يقطـع الأمـل=هو المجرم اللي يطرحونه ببصماتـه
وعفواً عن التقصير أنا أبديت فكرتي=وعبرت عن صولات وقتي وجولاتـه
وتمت وصلى الله على سيـد البشـر=محمد سـلام الله عليـه وصلواتـه
.:: إعلانات موقع شباب الهيلا عتيبة ::. 
الإهداءات
يدلك على الرجال هرجه ليـا هـرج ==وتدلك علـى نيـات قلبـه حركاتـه
العرض العادي
